ابراهيم عيسى وتحليل حكم البراءه للرئيس مبارك – كم عدد الشهداء ؟ من قتلهم .. واين

00000

إبراهيم عيسى : فى نوع مش عايز يقتنع مش عايز يفكر فيها أبداً ” أن مبارك لم يأمر بأطلاق النار على المتظاهرين” ..انت عايز تعرف الحقيقة ولا عايز تشوف صحابك بيقولوا اية فتقول معاهم ؟ اللى عايز الحقيقة موجودة اهى 160.000 صفحة اقرا واعرف..مش عايز تقتنع براحتك لكن الحكم دة هو عنوان الحقيقة ..و اللى مكتئب ان مبارك اخد براءة ما ياخد براءة ..انت اللى هتحكم عليه؟ واذا كان هو فعلاً مأمرش بقتل المتظاهرين ما ياخد براءة حقه…و بعدين مش القصاص دة من القاضى الحقيقى ولا نجيب اى حد كبش فداء ونموته و مش اى حد قدامك تطلع غلك فيه …دة كدة موضوع غل مش موضوع عدل

الناس اللى مقريتش حاجة وطالعة تجرى ورا الاخوان للميدان هل انتم جبتم حيثيات الحكم وقريتم حاجة؟؟؟ لا حضراتكم مقريتوش اى حاجة .. هما بيسخنوكم وخلاص

تعلم ان اجمالى عدد شهداء ثورة 25 يناير من كل محافظاتها بلغ “238” شهيد؟؟
طب هل تعلم ان 90 منهم محدش يعرف عنه حاجة “مات اساسا جوا الثورة ولا لأ” ؟
طب هل تعلم ان غالبية ما يطلق عليهم “شهداء يناير” ماتوا امام الاقسام اثناء حرقهم لاقسام الشرطة و اعتدائهم على ضباط الداخلية ؟؟
طب هل حضرتك تعرف ان الضابط اللى وقف يدافع عن القسم بتاعه لو مكانش قتل ذلك المعتدى “وهو دفاعه الشرعى والقانونى عن النفس” يتحاكم عسكريا؟ يا اما مصيره حايبقى زى ضباط كرداسة
طب خد الكبيرة بقى .. اجمالى عدد شهداء 25 يناير فى كل المحافظات بالميدان 36 ..

طب فى ثورة كبيرة زى دى .. يوم ما الداخلية تاخد امر باطلاق الرصاص يطلع الناتج 36 فى كل محافظات مصر على مدار ال18 يوم؟؟؟؟؟؟؟؟؟؟؟؟؟؟؟

شوف بقى فى “كرم القواديس” لما الاخوان وانصارهم كانوا مبيتين النية للقتل “فى عملية واحدة قتلوا 31 وعلى مدار سنة قتلوا 3000 ضابط …

الكلام دة بقوله لان مفيش حد بيقرا انما فيه معدومى العقل والجهلة بينساقوا ورا الاخوان دون تريث او قراءة او فهم لابعاد الاحكام وهما اللى حايودوا البلد بغبائهم فى 60 داهية